Nius Blong Nau

Mo Nuis >

Harim Ol Progrem

Karent Afeas

Wantok

Sport

Tingim Ples

Helt Ripot

Focus

Yut Foram

Laif long Melanesia

Ol Program

Pailot project lo Goroka Base hausik - Rurel outreach services

20/08/2008

Halvim ol ova weit pikinini blong Australia; Pailot project long Goroka Base General Hausik - Rural Outreach Services.

Presenta: Kenya Kala
Husat I Toktok: Dr Shirley Alexander, Specialist long Obesity oa 'ova-weit' pikinini long Westmead Hausik long Western Sydney; Dr John Warai, Coordinator blong Rural Outreach Services long Goroka Base General Hausik, PNG.

Ritim Progrem

Harim Progrem

Wanpla long ol top hausik blong Australia igo pas long wanpla bikpla na nambawan taim blong makim wanpla specialist long treat-im 'childhood obesity' - ol pikinini i ova weight na fatpla. Displa em i nambawan taim long kisim wanpla specialist dokta long wol, long lukautim ol ova weit pikinini; Goroka Base General Hausik igo pas long wanpla pailot program, em ol i tok, i wok long halvim planti pipol long ol rurel longwe ples, displa program, ol i kolim, rural Outreach Services.

Wok blong growim Orchid long Papua New Guinea

12/08/2008

Tede nait bai yumi lukluk long wok blong growim orchid, long PNG bihaen long PNG Orchid sosaiti ibin winim nambawan prais long Orchid show long Singapore.

Anaunsa: Caroline Tiriman
Husat I Toktok: Hed man blong Happy Gardener TV show long PNG, na President blong PNG Orchid society Mr Justin Tkatchenko.

Ritim Progrem

Harim Progrem

Tede nait bai yumi lukluk long wok blong growim orchid, long PNG, na guest blong yumi em iet long man husat isave go pas long Happy Gardener long PNG, Mr Justin Tkatchenko.

Wok blong growim orchid long PNG iwok long go hed nau inap moa long fopla ten yia, tasol nau Mr Tkatchenko igo pas long despla laen olsem president , na i luk olsem ol wok blong orchid society iwok long kamap bikpla long kantri.

Papua New Guinea igat moa long tri tausan ol orchid em istap tasol oa oli save grow tasol long PNG na ino long ol narapla ples.

Na planti long ol despla i naispla tru na i narakaen stret winim ol orchid blong ol narapla kantri, na despla tasol ibin mekim PNG orchid society long go long wanpla bikpla show long Singapore ino long taem igo pinis we long nambawan taem stret, oli bin winim nambawan prais wantem ol Orchid blong PNG. Tasol blong save moa long despla gutpla luksave long ol PNG Orchid, mi bin askim Mr Justin Tkatchenko long tok klia long despla bikpla win blong ol.

Mr Tkatchenko itok tu olsem ol planti pipal iken planim Orchid, tasol olsem wonem sopos ol pipal i laikim Orchid bai oli kisim we stret, mi bin putim despla igo bek ken long Mr Tkatchenko.

Olsem yupla harim Mr Tkatchenko itok long despla taem emi had liklik long ol Orchid fama long PNG long salim Orchid blong ol igo long ol narapla kantri, tasol emi tok emi gat wanpla wei em i laik halvim ol pipal blong PNG long painim sampla moni long ol Orchid blong ol.

Pipal ino wanbel long apim pei bilong ol memba bilong Palamen No 2

12/08/2008

Long dispela program:Sapos yu i bin stap wantaim progrem long wik igo pinis, i nap save olsem, mipela igo bek long Vanimo, kapital bilong Sandaun Provins bilong Papua New Guinea na harim koment na views bilong tupela bihain long harim olsem, ibin gat askim igo pinis long apim pei bilong ol Nesinal Memba bilong Palamen.

Word 7 kaunsela bilong Vanimo Urban Local Level Government, Ubert Konagi husat wanpela long tupela i kamap long dispela program.

Ol lisenas, yu disisan meka oa i grasrut man na meri tasol, progrem LAIF LONG MELANESIAA, i bringim komet na view bilong pipal long ol isu oli gat strongpela bilip na tingting long en, olsem long Pei bilong ol PNG nesinal memba bilong palamen. Yu ken harim toktok bilong ol na skelim iet wanem samting oli toktok. Sampela hap tok bai ino go gut wantaim sampela lisnians na sampela long ol bai i gat mining long ol na makim wari bilong planti liklik man meri long kantri.

Long wik igo pinis yu ibin harim ikam long ex-skul tisa na liklik bisnisman long Sandaun Province,Brian Kalison. bilong igo het long progrem dispela wik, Clementina Kapoto, husat i casual woka wantaim NBC long Vanimo, i kam insait long progrem nau na i autim tingting bilong em bihain long em ibin harim long askim bilong apim pei bilong ol Nesinal Memba bilong Palamen.

Kaunsela Ubert Konagi, i niupela memba bilong Vanimo Urban Local level Government na i makim Ward 7. Kaunsela Konagi ino wanbel tu long askim bilong mo pei bilong ol Nesinal Memba bilong Palamen na i tok, makim wantaim K200 long wan mun em ibin harim bai kisim olsem LLG kaunsela makim wantaim pei bilong ol Nesinal Memba bilong Palamen, em i bilip oli gat inap moni pinis long poket bilong ol na ino gat nid bilong mo pei igo long ol. Olsem tupela narapela spika pastaim long em, em i lukim dispela mo i ken igo bilong wokim ol rot, bris na ol narapela samting na tu rot igo long ol eria bilong kantri.
Kaunsela Ubert Konagi, bilong ward 7, Vanimo Urban Local Level Government na pastaim long em, yu ibin harim ikam long Clementina Kapoto, casual woka wantaim NBC Vanimo.

Sapos yu i gat laik bilong koment halivim tingting bilong mo pei bilong ol Nesinal memba bilong PNG Palamen oa i no wanbel wantaim Brian Kalison long wik igo pinis na Clementia Kapoto na Kaunsela Ubert Konagi, rait ikam long LAIF LONG MELANESIA, Radio Australia, Tok Pisin Sevis, G.P.O.Box, 428G, Melbourne 3001, Australia.

Yu ken harim progrem tu long internet, long website adres,......radioaustralia.net.au/tokpisin.
Em progrem bilong dispela wik, na igo nap mipela i bung ken long sem taim neks wik, stap gut, stap isi, na hepi lisening.

Anaunsa: Pius Bonjui..
Husat I Toktok: Clementina Kapoto, NBC Casual worker na Kaunsela Uvbert Konagi bilong Vanimo Urban LLG.

Ritim Progrem

Harim Progrem